【扮工收風】同事做署任經理兩年 終被降職
Acting(署任)呢啲位,並唔係人人期望可達到。你份人如果本身冇乜料子,都未必有得做acting,尤其係acting經理呢類高職位。
但最近小編朋友公司就出現咗件怪事,就係有人署任咗足足兩年,最後被降返做助理經理。
搵得你署任,基本上老闆已經好認同你能力,只要你冇咩大錯、做到一些基本盤,基本上署任半年,幾乎可以「坐正」。之但係呢,呢位署任經理一下子就act咗兩年,仲要最後被降返職,做返個助理經理,同事們得知都愕然,並圍埋一人一句總結佢嘅死因:
1.無料扮4條:口講乜都秘得,做就唔得
2.功高蓋主兼擦錯鞋:搶上司功勞,在老闆面前邀功,山高皇帝遠的情況下,上司放棄推薦,自然冇得坐正
3.得罪秘書:辦公室自殺行為,就係得罪秘書,聽聞係秘書自己走去老闆面前告枕頭狀,救都救唔到
最後謹記,正路acting得一次機會,今次把握唔到,唯有等下世先會再輪到。請節哀。
===================
19網輕鬆爆料熱線,歡迎舉報老細同事19惡行,立即click入去講畀我哋知啦