香港股市 已收市

【扮工收風】同事冇打招呼 聽日唔使返工

職場好娘嘅一句:禮多人不怪,估唔到依家都仲受用。聽朋友講,佢最近公司有個新來嘅助理,做咗兩個月就走,原本以為佢搵到好工,但原來佢係俾人炒,死因係冇同老闆打招呼…… 

個情況係剛剛返工嘅男助理,本身都好內斂,見到人都只係點吓頭,唔多出聲,但都唔係冇禮貌。點知有一日朝早,可能佢行經pantry嗰陣遊魂,竟然冇發現老細喺佢身邊行過。 

咁當然一句招呼都冇打啦,但老闆就即刻捉咗助理嘅直屬上司入房,話佢嘅人冇禮貌,下令要炒咗佢。但炒嗰刻都冇同佢講到死因,只係話佢工作未達標。 

事後助理先喺其他同事口中得知自己死因,如果唔係就真係死得不明不白。 

事實上唔只出面啦,傳媒界都試過有人因為認唔出大老細,無畀反應而唔使再返工,所以禮多人不怪,呢句話一啲都唔out!

===================

19網輕鬆爆料熱線,歡迎舉報老細同事19惡行,立即click入去講畀我哋知啦