香港股市 將在 2 小時 48 分鐘 開市

【扮工收風】同事呻多嘢做 老闆即炒

打工仔有啲說話係唔可以亂講。最近有大型機構就發生咗一宗炒人事件,原因係同事工作態度差,周不時在辦公室大呻「多嘢做」,然後近日佢就被炒了。 

呢位同事係一名合約工,由HRagency幫手請,本身見工時都覺得佢工作經驗同表現都麻麻,但因為始終係合約工,加埋等人用,所以老闆最後都決定請咗先。 

之但係返咗幾日工,呢位同事就開始現形,因為上司在同一日派咗幾份Job俾佢,佢已經黑晒口面,估唔到嘅係,佢等咗一陣竟然走埋去上司個位「發爛渣」,話自己已經好多嘢做,「你仲派嘢俾我做,我究竟有幾多隻手可以做到啲嘢?點解唔派俾其他人?係要派俾我?」 

投訴嘅聲線大到全個office都聽到,連老闆都走出來問剛才發生咩事,上司之後入房講返成件事。 

原本以為日子繼續過,點知過咗幾日就唔見咗呢位同事,到近日開會老闆先交代某同事因工作表現未如理想,所以被開除,公司會再重新請人,叫同事喺呢段時間幫手頂一頂手上的project 

呢個世界,真係好多人以為老細唔會咁絕情,「點會咁慘忍」。

===================

19網輕鬆爆料熱線,歡迎舉報老細同事19惡行,立即click入去講畀我哋知啦