【扮工收風】同事用一句說話激嬲你
同事之間嘅關係可以好脆弱,往往講錯一句說話就出事。尤其當你唔係佢上司,只係高人哋一個title就更加要慎言,以免影響同事關係。
話說有位助理經理,覺得某位officer嘅表現奇差,覺得人哋中英文差、態度差、唔識執生,都唔知點解會請佢等等,但因為呢位助理經理只係Title高過人,並非呢位officer嘅直屬上司,所以一直都無出聲。
不過幾日前,呢位助理經理又改緊呢位officer嘅英文,終於忍唔住鬧爆佢,期間忍唔住爆咗句:「你唔好唔記得你未過試用期」!
就係因為呢句,兩人正式交惡。
工作上完全拒絕同對方溝通,搞到佢哋嘅直屬上司非常難做,同一番說話要講兩次,先至確保兩個人都收到。嚟緊嘅日子都唔知點算好。
你有無曾經俾同事「提點」過,你未過試用期呢?
不過小編覺得,其實呢句都唔夠「個客投訴得即係你唔啱」呢句激心,職場仲有好多句子,可以一句激到同事生蝦咁彈起。
===================
19網輕鬆爆料熱線,歡迎舉報老細同事19惡行,立即click入去講畀我哋知啦