【扮工收風】同事開開吓會「扯旗」
同事們最期待的畫面,終於發生,仲要好衰唔衰發生在有老闆的大會上。事緣係朋友公司召開緊急會議,商討處理客戶資料擺上雲端事宜,全世界望住年輕有為男同事做匯報,突然大家焦點由平時望住佢個樣,一下子向下移,原因係呢位男同事竟然當眾「扯旗」。
同事見到好多都掩晒嘴笑,而男同事即刻成個人轉向個screen,望住個PowerPoint讀到尾。
事後大家討論焦點都係圍繞「有冇人影咗相」、「有冇人有拍片」、「點解突然有反應」、「你估老闆見唔見到」,而另一重點係當時會議上根本無靚女,冇人估到點解會發生咁尷尬的事。
小道消息就話男同事聲稱太緊張,所以唔知點解會有生理反應;同埋希望同事們高抬貴手,唔好揚去其他更多部門。
換轉係你開開吓會「扯旗」,你又可以點執生呢!
===================
19網輕鬆爆料熱線,歡迎舉報老細同事19惡行,立即click入去講畀我哋知啦