【扮工收風】同事食飯走數
究竟一個同事要幾咁有本事,先可以餐餐飯都冇錢俾,然後要同事接濟。接濟完又唔mark數,搞到其他同事要不時追數。
呢位同事聲稱自己唔見咗張提款卡,所以成個星期都撳唔到錢,於是日日搵唔同嘅同事飯腳接濟。
但呢位同事好本事,搵人幫佢俾完錢之後,自己唔mark返條數,要同事自己記低,但追過佢一次數聲稱未有錢,追佢第二次又話未有,真係好難再追佢第三次。
呢個情況係幾位借咗錢俾佢嘅同事都面對過,而借錢同事都係用一句「提款卡未寄到返嚟」來推卻。
之但係,其實大家都知,想拎錢唔係只得提款卡,仲有好多方法,如果有心還,使乜人三催四請。
所以最終係,大家都唔敢再同佢出去食飯。搞到咁犯眾憎,又有咩謂呢?
===================
19網輕鬆爆料熱線,歡迎舉報老細同事19惡行,立即click入去講畀我哋知啦