【扮工收風】單身女業主問男同事 有無興趣租房
股市跌,樓市又升唔起,搞到打工仔返工一個工個都提唔起勁。最近某位已置業嘅單身女同事,唔知係咪因爲等錢周轉,周圍問人租唔租佢單位嘅其中一間房住,最爆嘅係,佢連男同事都照問,掀起辦公室一番熱論。
呢位女同事家住屯門,間屋接近400呎,有兩間房,但因為同佢一齊住嘅細妹最近搬走咗,而佢又想租間房出去幫補吓近排比較蝕嘅股市同租金,於是開價$5000蚊,講明有晒家電又豪裝,四周圍搵客。
可能搵咗一排都冇女同事上釣,於是佢呢幾日轉向男同事埋手。正因為呢位女同事其實都幾好樣,加上又單身,所以唔少原本癡住屋企嘅男同事都有性趣心思思想租呢間房,同呢位女同事「同一屋簷下」。
大家仲私底下在whatsapp討論。
好快呢單嘢傳到成個部門都知,結果當然有上司就乘機在開會時有弦外之音,提醒同事「檢點啲」、最好唔好將私事帶入辦公室。
撇除女同事放租呢樣嘢唔講,依家$5000租金有齊家電,又隨時有個伴返工放工,有冇打工仔其實都會有所心動呢?
===================
19網輕鬆爆料熱線,歡迎舉報老細同事19惡行,立即click入去講畀我哋知啦