香港股市 將收市,收市時間:6 分鐘

【扮工收風】大PR公司終於炒人

早排小編收到風,話有大PR公司罕有地拖糧,公司交代原因係出糧system有問題,公司同事當然唔信啦,仲陰謀論咁話公司好有可能捱唔住。 

果然昨日朋友就收到大信封了,朋友只係公司入面最細粒嘅低層admin,人工一啲都唔高,專做恆常手腳嘢,但公司竟然不濟到連佢都要cut,佢自己都有啲愕然。 

聽佢講唔止炒admin,連經理以上都要「起身」,公司唯一解釋只有四個字,就係「經濟唔好」,好多同事都好無奈,因為手停口停,根本搵唔切工。 

留低同事都唔好過,因為唔知幾時會有裁員第二波,加上市場空缺少咗勁多,想跳船都好難,隨時要同公司一齊搭沉船。 

所以話,公司幾時都要居安思危,唔好因為一時生意好,就大規模開新team請人,又開海外辦事處。一遇著經濟差就「瀨嘢」,一大班同事無飯開,真係無陰公!

===================

19網輕鬆爆料熱線,歡迎舉報老細同事19惡行,立即click入去講畀我哋知啦