香港股市 已收市

【扮工收風】才女雙學位+碩士都冇得升?

好多打工仔以為有學歷就得天下,於是返返吓工都話要parttime讀個碩士,有啲索性辭職去讀書。小編朋友本身就係一個人辦,佢嘅經歷反映,儲經驗好過讀死書。 

小編朋友係28歲嘅女仔,本身中學成績好好,大學仲讀埋個雙學位課程,一畢業大部分人得一個degree在手,而佢就有兩個,所以當年入到間大家都覺得人工福利唔錯嘅大公司,但剛剛畢業,職級唔算高。 

一直發展落去,公司次次都位升,都寧願請街外人,都唔俾機會佢,原因係由於公司想請有特定工作經驗嘅人,基於隔離飯香,朋友入職後三年,依然做緊同一個位。反觀其他冇佢起步得咁順利嘅同學仔,開始向上爬。 

於是朋友開始質疑自己學歷唔夠街外人好,所以向公司申請,報咗個兩年碩士兼讀課程,上年剛剛讀完,亦向人事部update咗自己啲資料,但公司似乎冇當係一回事。  繼續個個post公開招聘,有時輸年資、有時輸內地經驗、有時timing唔啱、有時係第二組同事得米。 

結果佢同一個post做咗5年………

依家佢仲掙扎要唔要報個博士…… 

朋友話自己真心鍾意呢間公司先想睇吓有冇晉升機會,其實佢大可一早轉工。但朋友圈都覺得,呢位朋友唔應該盲目追求學歷,反而應該全副心機埋男上司身搏上位,隨時仲上得快﹗

===================

19網輕鬆爆料熱線,歡迎舉報老細同事19惡行,立即click入去講畀我哋知啦