【扮工收風】散水卡寫錯「今天是公司末日」
有時做人,真係唔可以做咁多,尤其係散水時畫蛇添足,錯咗無得返轉頭。話說朋友公司發生咗一件「技術性錯誤」事件,朋友同事豪情散水,又請食餅又送心意卡,仲要親手寫埋感言畀上司,大家心諗使唔使咁肉麻。
橋唔怕舊,最緊要老細受,正當呢位同事以為威威嘅時候,朋友聽到另一個部門阿頭同秘書竊竊私語,對住張「散水卡」係咁研究。
原來,呢位同事寫錯英文,寫咗「This is the last day of X(公司名)」,即係話佢Last Day,都係呢間公司Last Day咁話。
後來得知,原來老細都睇得出,只係皮笑肉不笑,老細仲打去同HR講:「唔該下次幫我請個英文好啲唔該。」
係咪一時手誤都好,呢位同事留低嘅,係佢唔識用preposition嘅笑話。
===================
19網輕鬆爆料熱線,歡迎舉報老細同事19惡行,立即click入去講畀我哋知啦