【扮工收風】新年辦公室現形記
一到新年,辦公室就最多嘢睇。因為簡單一封利是,就足以令天下間打工仔極速現形。唔信睇吓以下嘅現象,包你實見過!
1)平日無乜兩句嘅同事,勁厚面皮咁排隊拎利是。
2)有同事死都要收雙封,話要成雙成對先好意頭。
3)同事利是預備唔夠,隨手將逗返來嘅利是又派返出去,點知連人地個姓都照派埋出去,搞到勁尷尬。
4)平日周圍social嘅主管,一返工坐入office,連廁所都唔去,成功捍衛手上大批利是。
5)單身老闆周圍問下屬同其他同事拎利是。
6)多事嘅師奶同事爭住做媒人婆,見人就問有冇拖拍。
7)清潔姐姐一日前來清潔每個位幾次,確保無漏網之魚,盡逗每一封利是。
8)公司保安加密洗樓巡樓,見人就恭喜發財,又係盡逗利是。
9)結咗婚但照同高級過自己嘅同事逗利是。
10)同事收到利是後,背後比較含金量,孖封20蚊嘅你,好快就俾人唱通街。
一日未到十五,一日都仲有排派呀~~~
一===================
19網輕鬆爆料熱線,歡迎舉報老細同事19惡行,立即click入去講畀我哋知啦