香港股市 將收市,收市時間:1 分鐘

【扮工收風】老闆俾早走 不過扣大假

 

呢幾日香港咁紛亂,成日都有傳呢區打人、嗰區落閘,好多公司為咗確保員工安全,都會酌情放受影響地區嘅同事早走。一向關懷社群嘅NGO,當然係呢啲時候都會表態叫同事早啲放工,遠離危險,不過佢係叫同事拎自己大假放工。

朋友做緊NGO,見到大家都有得收早,所以發起牢騷,仲話自己就算俾交通影搞到遲晒大到,或者要到下晝先返到工,都一定會仆返公司,因為唔想俾人扣假。

原來呢間NGOHR,係default咗所有突發事都要拎大家嘅大假來扣,所以老闆或者走出來好似關心你,同你講危險呀,記得早走,原來只不過係想你拎自己半日大假去早走,一啲關心嘅意味都冇。

就算平時打風落雨,受交通影響而未必返到公司,呢間NGO都會叫同事拎大假,然後返屋企,唔好同人逼,真你好有愛呀!

咁嘅非牟利機構,大假就算有20日,都唔夠使啦!

===================

19網輕鬆爆料熱線,歡迎舉報老細同事19惡行,立即click入去講畀我哋知啦