香港股市 已收市

【扮工收風】老闆嫌男同事鼻毛長 命令勤修剪

以前劉德華話「今時今日咁嘅服務態度點得」,如果你個樣唔得,都應該唔得。

但有時唔係樣問題,係因為懶出事。

話說小編見其中一位朋友最近分享,話帶某男同事見客,穿咗件唔啱身嘅西裝都不特止,仲要唔剃鬚。但咁樣都未算最過份,都可以扮係有男人味,之但係鼻毛外露呢家嘢,就令人難以接受。 

平時office開會,同事見到呢位鼻毛長男同事,當面都扮到冇乜嘢,但背後就笑到佢癲,覺得呢個人相當騎呢,笑佢出門都唔照吓塊鏡,笑佢鼻毛長但能力唔強,而老闆對住佢講嘢都皺晒眉,大家focus都喺佢啲鼻毛上面。 

以為佢出去見客會企理一啲,點知唔係,照樣鼻毛外露,結果老闆臨時轉咗另一位同事去見客,然後拋下一句:

「唔該你依家返屋企修吓你啲鼻毛先!」成個場面非常老尷,同事聽到都嚇咗一嚇。 

最後逼到老闆在大會上警告所有同事見客要顧住自己儀容,因為「員工係代表公司」!    

===================

19網輕鬆爆料熱線,歡迎舉報老細同事19惡行,立即click入去講畀我哋知啦


【相關搜尋】鼻毛外露面相