香港股市 將在 2 小時 46 分鐘 開市

【扮工收風】自己辭定俾人炒好?

最近有朋友遇到一個難題,就係上司覺得佢廢,做唔到嘢,所以不斷留難佢,同佢做好多工作上嘅檢討,兼要量化佢啲工作,評估達唔達標,令佢返工壓力大增。 

上星期,佢又再一次俾上司捉入房,以為又要被鬧之際,上司變咗苦口婆心mode,講「你做嘢做成點大家都知,留喺度對大家都冇好處。依家俾兩個選擇你,一係好來好去,你自己辭職走,一係就我炒你,但你個record就會花。」 

朋友解釋,其實佢公司唔可以輕易炒人,要真係檢討一段時間,證明佢工作唔達標先得。但上司咁樣開聲,擺明佢點洗底都洗唔到。 

但自己辭職短期內未必搵到工,俾人炒嘅話都仲可以搏吓有得賠一個月糧即走。呢一刻令佢非常掙扎。 

其實俾人炒都可以唔賠錢,直接要你坐多一個月,兼record會花。小編就勸朋友唔好搏喇。你哋又點睇呢? 

===================

19網輕鬆爆料熱線,歡迎舉報老細同事19惡行,立即click入去講畀我哋知啦