香港股市 已收市

【扮工收風】被裁員工賤過地底泥?

臨近被裁嘅打工仔最冇say

小編朋友最近入咗公司被裁名單,但所謂被裁,係講緊有一個月通知期嗰隻,大家好來好去。 

因為朋友剛剛成家立室,無奈接受呢個事實之餘,都想盡量喺荷包儲返個錢,等之後搵工啲空窗期,日子好過啲。 

所以佢睇返自己呢幾年入面累積咗仲有10幾日嘅大假未放,所以就打俾HR同事問吓,可唔可以唔放啲假,直接由公司之後出返糧俾佢,等佢易啲周轉。估唔到串嘴HR劈頭第一句就話佢:「你係咪傻㗎?公司要炒你係要cut budget,等公司多返啲現金流,而唔係要諗你。」 

朋友聽完粒聲都冇出,只可以話,作為一個被判死刑嘅員工,真係賤過地底泥。

===================

19網輕鬆爆料熱線,歡迎舉報老細同事19惡行,立即click入去講畀我哋知啦