【扮工收風】見工被壓title 老闆:「將來會俾返你」
打工仔一生人之中收過幾多空頭支票?估唔到只係見工,老闆都已經出晒口術氹你落疊,目的就係想剝削你,呢啲職場上嘅甜言蜜語,你仲信唔信?
朋友原本見緊一份只需要4年經驗嘅助理經理,但當見完嗰刻,將來老闆都似乎好滿意佢表現,然後隔咗幾日都打電話俾佢,想confirm個offer。
朋友收到將來老闆嘅電話,先知佢個offer除咗唔到叫價,仲想降埋佢title,只肯俾個高級主任位佢,朋友即刻好唔gur,話自己明明已經符合佢嘅年資要求同經驗,點解都要降title?
未來老闆就開始出口術,話經濟情況最近唔好,公司都cut緊budget,所以headcount都有啲調整,「但你放心,我唔會搵人head住你㗎,你做住先,呢個助理經理預咗係你,將來會俾返你。」
既然老闆都講到咁,朋友都冇再拗,take咗個offer。但究竟呢一刻嘅讓步,係唔係好事?定只係被騙嘅開始?
===================
19網輕鬆爆料熱線,歡迎舉報老細同事19惡行,立即click入去講畀我哋知啦