【扮工收風】返工著錯襪?
自稱「救護員買錯襪」嘅故事,兩年前已經有人擺上討論區討論,估唔到今日到前大台主播遇到。
呢位前主播尋日打咗篇頗長嘅facebook,影住自己隻腳,然後話自己沿路行去約朋友食飯,突然有個笑咪咪男人截停佢,問佢邊度有襪賣,佢話自己係兼職救護員,仲指住街邊救護車,話佢自己買錯襪,買咗對灰色,但份工只可以接受黑色同藍色,話好需要一對黑色襪,想同呢位前主播換,但只需展示俾佢老細睇就得,佢唔使著前主播對襪。
前主播第一時間梗係拒絕啦,點知呢位「兼職救護員」就拎住$500同前主播換。前主播見自己喺會展,附近又真係冇襪買嘅,苦苦哀求下,前主播就半推半就入咗廁所換咗對灰色襪。
事後前主播都冇要到佢嗰$500,然後對方好開心拎住對黑襪走。
有朋友就喺facebook質疑,明明要求黑色同藍色,點會買錯灰色,會唔會係遇上戀物癖?亦有人鬧依家啲打工仔唔敬業,返工連襪都買錯。
小編的確聽過有個案,係返工著錯白襪,結果俾女上司白眼,就好似有啲人會歧視白色三角內褲咁。
但講真前主播呢個case,同「救護員買錯襪」咁似,會唔會真係戀物癖,收集打工仔臭襪?
===================
19網輕鬆爆料熱線,歡迎舉報老細同事19惡行,立即click入去講畀我哋知啦