香港股市 將收市,收市時間:2 小時 11 分鐘

【扮工收風】連鎖零售店逼員工買情人節禮物

原來今時今日,仲有好多公司以為情人節係商機,揀喺呢類節日搞一啲情人節快閃活動,想睇吓可唔可以谷一谷公司產品嘅銷量。 

小編朋友做連鎖零售店,公司就喺前日開始推快閃活動,推出懶係有折扣優惠嘅心心價產品,專俾客人揀來送俾另一半,但講緊嘅產品只係公司嘅一啲倉底貨,就好似早年興過一輪嘅LED花、有唔知乜「離子」、「因子」嗰隻瘦面淨白套裝等。 

但似乎冇乜客buy呢個快閃活動嘅產品,所以公司昨日開始就「塘水滾塘魚」,向公司員工埋手,逼佢哋畀錢買呢堆心心價嘅禮物送俾另一半,簡而言之,畀錢貼公司、幫公司清倉底貨。 

同事雖則不滿,但都唔太敢出聲,部分同事就算聲稱自己冇拖拍,但最後逼逼吓都走唔甩,求其俾幾十蚊買咗支LED花算數。有同事埋怨今時今日,仲諗埋咁out嘅快閃活動想幫公司賺一筆,呢類咁hea嘅打工仔思維,應該快啲被淘汰。

【相關搜尋】情人節買花畀自己

===================

19網輕鬆爆料熱線,歡迎舉報老細同事19惡行,立即click入去講畀我哋知啦