上司開心，下屬有運行；上司心情唔好，下屬切忌自投羅網。但當上司本質原來係方丈，下屬注定做乜都死。
小編朋友的上司正正係方丈，朋友在親子刊物打咗一年工，本來同上司有講有笑，但早幾日朋友搵到好路數，決定遞信，上司竟然立即玩變臉，一個月通知期間，一句說話都唔講，對住朋友由朝黑面到夜晚，去到last day果日，朋友派散水餅，上司一啖都唔食。
不過講起呢位方丈上司，早有前科。
- 話說有其他同事在自己個位食咗一粒榴槤糖，上司立即發晒癲，狂話臭，然後足足一個月唔同嗰位同事講嘢，只肯用email交談。
- 又有同事一齊等外賣期間，肚餓得濟拎咗包餅出來食，上司立即發癲唔准佢食，原因係「你有得食、我冇得食，即係要我望住你食，我接受唔到」，令旁人O晒嘴。
所以朋友可以對住呢類方丈上司整整一年，其實已經好叻叻，一早應該早走早著啦。
19＋精選推介
===================
19網輕鬆爆料熱線，歡迎舉報老細同事19惡行，立即click入去講畀我哋知啦