香港股市 將在 4 小時 1 分鐘 開市

【扮工收風】37歲,你想要錢定要Title?

職場交叉點,要人工定要Title? 呢個係小編朋友圈面對緊嘅一個討論議題。話說朋友圈嘅老死一約埋食飯吹水飲酒就開始討論人工職級,暗地裏話無比較你都唔信。 

朋友圈平均年齡37歲,閒閒地title都已經係DirectorDeputy Director之類,姑勿論title係咪發水,但起碼見得吓人。 

之但係有幾位朋友,呢啲時候總係唔太敢搭嗲,因為佢哋連manager都未做到,有啲仲做咗五六年assistant manager,人工都差唔多到頂咁濟,但都轉唔到工。 

睇返佢哋嘅情況,原來面對緊樽頸位,就係人工同title嘅抉擇。因為佢哋嘅assistant manager人工到頂咁濟,已經高過市面上唔少嘅manager人工。所以去親見工,其他公司都唔夠budget請佢哋,如果佢哋選擇要title,就要犧牲人工,成為佢哋做咗咁多年都係Assistant manager嘅原因。 

出面公司請manager,又有好多選擇,完全唔會揀做咗咁多年都仲係assistant manager嘅人。 

面對呢個情況,與其問要錢定要title,不如問你要面定要錢?

===================

19網輕鬆爆料熱線,歡迎舉報老細同事19惡行,立即click入去講畀我哋知啦