香港股市 已收市

【扮工收風】4個幾月前裸辭,結果⋯⋯

職場同投資市場一樣,好多時因爲錯判形勢,以為喺市道唔係咁好嗰時,放咗手上隻股止蝕,點知低算未算低,想買都唔敢買,進退兩難。

職場又係咁,以為個市只係短期跌吓啫,所以幾個月前發咗老細一次脾氣然後裸辭,點知到今日都未搵得返份工,仲俾HR質疑空窗期長呀! 

呢位朋友大約喺4個幾月前裸辭,嗰陣市道未有咁差,而佢都覺得影響好短暫,應該好快就冇事,所以一直都唔擔心搵工。 

點知社會經濟情況愈來愈差,行行都話要裁員,佢原本一心裸辭後轉行,但見咗10份左右都食白果,於是佢死死地氣搵返自己果一行,繼續見多咗5份,一樣冇聲氣。 

其中有好多份工嘅HR都問佢一條「明知故問」啲題目,就係:「點解你會空窗咗咁耐?」有啲直情串佢空窗期有成3個月。 

佢依家諗緊就算減人工都搵份工做住先,至少唔使再俾人話空窗期長,大家點睇先?

===================

19網輕鬆爆料熱線,歡迎舉報老細同事19惡行,立即click入去講畀我哋知啦