香港股市 將在 5 小時 42 分鐘 開市

【扮工收風】90後同事金句:「我做嘅嘢已經多過我份糧!」

三年一個溝,35歲打工仔已經唔知道自己同96年出世的同事之間,存在多少個溝。所以對於佢哋嘅一舉一動,都摸不著頭腦。 

雖然唔太想標籤,但小編朋友的公司,個90後同事講嘢真係經常唔經大腦,成日覺得冇嘢輸,向高級過佢嘅人大放厥詞,例如遇到同事俾嘢佢做,佢哋會講:

「我警告你,唔好再逼我,如果唔係我今晚就遞信。」 

遇到有急事要立即處理,佢哋會話:

「你咁晏先叫我做,我6點要sharp走,今日唔會交到俾你。」 

最近聽到一句仲爆,就係後生同事懷疑因為勁多嘢做,於是在辦公室拍枱,大聲同隔離位個senior講咗句:

「我唔怕同你講,我人工得萬七,我依家做緊嘅嘢完全超出我份人工。一係就叫老闆加我人工,一係就唔好俾咁多嘢我做。」 

小編聽完,都係果句,初生之犢,真係惡過老細!

===================

19網輕鬆爆料熱線,歡迎舉報老細同事19惡行,立即click入去講畀我哋知啦