【扮工收風】HR心諗:經濟差仲獅子開大口
又話經濟差,又話裁員,但係HR朋友最近收返來嘅CV,據佢講大部分求職者,就算申請嘅職級唔同,都有一個共通點,就係叫價好高。
佢哋公司剛請緊主任、助理經理、同一位經理,係一間大型慈善機構,佢哋budget大嘅係22k、30k同40k。
之但係CV份份out budget,普遍來講叫緊28k、38k同埋55k,望住呢啲價,就算經驗啱,都唔敢叫佢見工。
朋友於是改變策略,打俾shortlisted嘅人去探口風,睇吓有冇「減價空間」,點知大部分都企硬,話「轉工叫高10-15%都係正常加幅」。
HR朋友心諗,經濟好就正常加幅,依家經濟唔好,即係獅子開大口,仲要有人將所有福利都計晒入成個package,先再除返開基本月薪,拉高晒成份人工同叫價。
雖然小編覺得,打工仔企硬係無做錯到,但咁嘅情況下,HR講唔啱人,求職者又搵唔到工,搞到兩敗俱傷,又有咩謂呢?
===================
19網輕鬆爆料熱線,歡迎舉報老細同事19惡行,立即click入去講畀我哋知啦