香港股市 將在 2 小時 43 分鐘 開市

【扮工收風】IT以保安為由 強制Scan同事One Drive

做老牌大公司,IT部永遠聲大夾惡,因為管理層唔太掌握資訊拜技,所以基本上IT主管話乜就乜,其他部門都冇乜聲出。尤其近期唔少大公司因為洩露客戶資料而搞到滿城風雨,朋友公司IT部於是打蛇隨棍上。 

其實因爲保安原因,IT部已經大條道理scan公司每位同事嘅電郵,好多同事對呢樣嘢已經好不滿,平時都唔敢用公司send私人電郵,怕俾人scan到私密嘢。 

之但係IT部近日又出通告,話因爲要加強網絡保安,所以連同事用來Share文件檔案俾自己、同事及街外人嘅商業用One Drive都話要scan埋。 

同事反應非常大,因為大家已經將One Drivegoogle drive咁用,連CV、身分證、證件相都擺晒喺入面。但因為One Drive本來性質係公司商業用途,所以同事想群起反對都唔得。 

最終做法:唯有刪晒所有私人嘢,做到完全公私分明。但咁樣做,會唔會有啲矯枉過正呢?

===================

19網輕鬆爆料熱線,歡迎舉報老細同事19惡行,立即click入去講畀我哋知啦