【扮工收風】NGO上司吹毛求疵
相信辦公室打工仔分咗兩個極端,一部分好注意Formatting(格式),文件隔少一個spacing都逃唔出佢法眼;另一種就係最憎格式,一聽到上司執格式,就反晒白眼。
但你聽到最走火入魔嘅狀態未吖?就係唔信電腦,信自己手上把間尺去執format。
小編聽過喺做NGO嘅朋友講,因為佢哋成日會搞一啲活動然後邀請政府官員到場做主禮嘉賓。於是就出封邀請信俾佢。朋友已經勁驚死,好小心咁開返上一年finalised嘅文件,直接上面改,跟足晒格式。
交之前朋友都再好小心咁對多次啲行距同邊緣位,確保封信啱晒標準。點知交完封信之後,上司第一句就話:「封信唔啱format。」
「吓,冇可能,我跟足晒上年。」
「你睇吓,明明右邊空位多過左邊。」
「但電腦顯示左右距離一樣喎。」
於是上司就使出絕招,拎咗把間尺度一次。
「左右明明相差咗0.1cm,點會一樣呀?」
朋友對住咁嘅上司,已經器械投降,心中默唸:「終於明白點解人類要被機械人取代。」
===================
19網輕鬆爆料熱線,歡迎舉報老細同事19惡行,立即click入去講畀我哋知啦