投資香港定撒離香港
無論創業定投資,我相信大家最近都有呢個疑問:投資香港定撒離香港好?
若果大家行開街都會發現唔少商店好關門或者結業,當中唔單止依賴自由行既金鋪,仲有食肆糖水鋪等等。最後結果會進一步差落去定從谷底反彈全盤取決於林鄭同共產黨。選擇盡早成立獨立調查委員會有利紓解民怨,選擇血腥打壓就可能會將局勢推至恐怖主義,全是一念之差。
政府錯在每次都回應得太慢,一百萬人和平遊行冇回應,二百萬人和平遊行冇回應,到社會日常運作受影響先正式撒回送中條例,撒回時又已經衍生出721、831等問題。原先政府聲稱唔會向暴徒屈服,所以就算罔顧學生安危都選擇唔停課,但依加過一兩日又話停課,既然都停,點解唔早d停?
講返做生意同投資,重點始終都在於回報與風險。做生意,若果租金下調,淡市仍然勉強捱得到,就可以選擇守業。投資股票,選擇本地業務比較多既企業的話,就要等股價回調比較多,股息回報較高或者資產折讓較多時先出考慮,例如恒地(12)。又或者選擇本地業務比較少,只係因為短期資金流走而令股價下跌既股票,例如長實(1113)或創科實業(669)等等。
我自己真係好希望香港可以好返,希望當權者可以做岩決定回應民意。