香港股市 已收市

【拉闊投資】外滙唔炒都要睇(小勇哥)

美元上升期大約7至8年,下跌周期則長達9至10年。

上星期談了投資組合嘅核心資產,主要由收租樓同埋收息債兩種資產組成。隨着年紀越大,減少重資產(物業),增加輕資產(債券及REITs),這兩類資產主要目的是收取穩定現金流,如果升值當然歡喜,但不是目標。

不過,大家要注意無論是物業、債券及股票哪一種資產,都會受到外滙變化而改變價值,所以即使你沒有直接投資或炒賣外滙,仍然要知道滙率大趨勢,以免因滙率貶值而令資產縮水。

小勇廿多年前入行,一開始便做外滙,親身經歷過日圓強勢,美元兌日圓首次跌穿80的壯觀場面,德國央行同埋日本央行入市干預帶來的大波動,仍然記憶猶新,所以小勇面對滙市特別謙卑。除非有時間全程投入,我極少會炒賣外滙。平時研究外滙,只是作為對沖資產或者因實際用途而buy and hold。

美元強勢屆尾聲

我哋身處香港,買嘅主要係港元資產,而港元與美元掛鈎,所以我們持有的其實是美元資產。現時美元處於由2011年7月開始的上升期,本周期暫時最高位是2016年12月的103,去年8月亦重返此水平,可以說仍在周期高位徘徊。

由本周期開始回溯,之前是一個由2002年開始長達9年的下跌周期,再之前是一個7年大升浪(1995-2002),之後會數到一個10年大跌浪(1985-1995)、再嚟又是一個7年大升浪(1978-1985)。

你會發現美元上升期大約7至8年,下跌周期則長達9至10年,今次上升周期已有8年,是否已完結仍未能確定,但要有心理已近尾聲。所以小勇去年已開始累積外幣。

由於小勇的女兒今年完成中學課程,便到英國讀大學,所以我去年在英國買樓及持續儲英鎊。一則有實際用途;二則增加投資組合的非美元資產(除了買英鎊,亦有買英鎊或歐元REITs)。去年在10港元樓下儲了不少英鎊,以免未來數年要捱貴鎊,供女兒讀書。除了英鎊之外,小勇亦留意歐元及澳元,等機會入貨。

小勇哥

Yahoo Money Talk客席主持、投資達人

本欄逢周四刊出