提防炒股群組騙案六大原則
逆境下其中一個理財大原則,就係避免不必要損失。經濟下滑、失業率飆高,僅有儲蓄,已經係救命稻草。
所以,大家要留意,到底呢個時勢,有咩人想從你荷包「搶錢」?
當然係騙徒。
最近社交媒體上,有唔少群組,假扮傳統媒體同知名人物,誘散戶入局。入面有人「做媒」,散戶稍一不慎就會誤墮騙局,事實上已有受害人報稱輸過百萬,警方亦已展開調查﹗
呢類群眾利用嘅,其實只係大家嘅好奇心。只要你因為好奇心入群,私隱隨時已經讓騙徒掌握;當騙徒知道你原來咁易被騙入群,往後會更加猖狂,不斷用假電話add你,send投資「機會」畀你,煩都煩死。
之前有報道指,已知大約有五、六個證券界會員遭騙徒冒充,真正數字可能更多,耀才也已發聲明,有不法之徒訛稱該行職員「釣魚」。其實唔只證券界,就連近年比較受歡迎的財經專頁,例如古天后炒股日記,都被人開了數個假專頁冒充。
所以,再次提提大家,如果唔想無故俾人「搶錢」。當突然有陌生連結,聲稱是某某財經平台,請僅記以下原則:
唔好click入去交出自己私隱
見到有「內幕消息」字眼,更要小心
如果你睇開《信報》,盡量直接開自己平日save低嘅連結
假專頁十居其九完全沒有內容,一拆就穿
專業財經平台提供資訊和分析讓大家自行思考,不會主動叫你參與某某計劃
部分有相關投資建議的專頁,建議自己衡量推廣訊息,小心分辨真偽
《Yahoo財經》作為綜合財經平台,據了解近日都被不法之徒冒充。問過行家,建議讀者直接save低《Yahoo財經》facebook連結,又或者將《Yahoo財經》設定為搶先看就可以了。
Yahoo每日11:45都有財經直播節目,直接在真《Yahoo財經》facebook 睇直播就可以了,唔會周圍「派link」叫你入whatsapp。
如果你見到其他地方有《Yahoo財經》留言,甚至叫你投資,絕大部份情況100%係假⋯如上所說,請不要給騙徒,有機會關注你。
===============
財經精選資訊網站「中環街市」 臉書粉絲頁