香港股市 將在 2 小時 18 分鐘 開市

政治燒到迪士尼

新一集Rambo話世界實情越變越差,其中一樣大家心同感受係在網上「講又死、唔講都死」趨勢。其中特大風暴中美網絡戰火,現已波及標榜人人常歡笑的迪士尼王國。

戰火的觸發點係令迪士尼賺到笑功臣之一美國隊長,疑似就近期政治風波發聲,隨之而來必定係內地網軍大舉進擊,更難搞的後著係內地官媒要求迪士尼與美國隊長劃清界線。

由於飾演美國隊長演員在《End Game》中已交代退役,迪士尼大有條件出一份聲明指他已不再參與漫威電影系列。但現在網民對割蓆要求越來越高,咁樣拆只會換來不收貨兼行動升級。一是抵制上海迪士尼樂園(下圖),皆因有嚴禁帶食物入園「舊恨」在前,而且一家大細有藉口抵制其實都慳唔少入場費。

二係抵制電影系列,現時最高危一定係星戰系列,皆因上一集星戰已被指抗爭味濃,把這元素放大,內地有無得再上星戰都是一大疑問。

三係禁絕角色,迪士尼童話系列,王子、公主、富豪成籮,統統都可以撥入帝國主義既得利益者一律禁之。就連元祖級人見人愛的米奇老鼠,早年作品暗示牠是一名活躍的拓荒者,有心人亦可以解讀為掠奪第三世界資源的壞蛋;至於唐老鴨家族中的史高治(下圖)更擺明形象與官媒指責的李嘉誠不謀而合,甚至可以解讀為美國巨富在全球巧取豪奪的象徵。

這批大有狙擊空間的角色,對迪士尼而言就係一個隨時爆發的火藥庫,就好似今日網傳迪士尼官網找不到Winnie the Pooh的訊息可見,其實迪士尼世界,隨時跟共產世界擦槍走火。

正所謂最鋒利的刀,都有生鏽的一日。現時迪士尼由盛轉衰最強訊號,除了中美網絡戰火,就係打造迪士尼盛世現任CEO幾時真正退休,一旦佢閃人,睇怕都係強力出貨訊號,炒美股朋友要留意了。

===============

精選資訊網站「中環街市」  臉書粉絲頁