香港股市 將在 6 小時 26 分鐘 開市

散戶聲稱跟沈大師買股 輸剩12萬:「救救我」

散戶聲稱跟沈大師買股票輸錢。

尋晚最熱話題,一定係呢位散戶,聲稱跟沈大師買股票輸錢,上網公審大師。

據了解,呢位散戶由23000點開始跟大師搵食:

「我跟佢時23000,一路叫唔好買貨,靠邊站,搵位做淡倉,結果依家已經去到28000,我miss左成個升浪。我跟佢做淡,次次都贏少少,輸就輸鑊金。

升就叫我避一避,咁好啦,止蝕,我走落去又話食淡倉加沽,大佬,我都走哂啦。咁好啦,我信你,加淡倉OK,又真係賺到少少。可惜之後又升,又話夾多一兩口,結果我比人夾足成千點之後話係結算,轉倉。好快回落,結果一路比人夾上去。無限loop

咁到底買咩中伏呢?爬文睇佢投資組合,佢自言買過5仔,又買過941,結果唔識升。

唔知係唔係大師「燈神」之名太深入民心,加上之前篇專欄文章「不問價入聯想博翻身」技驚四座,所以即使成單嘢無圖無真相,唔知真定假,大家都加一把嘴說大師的不是。

有人建議散戶應該用餘下的12萬,立即跟大師對賭:「他說入貨, 你就入長期沽輪; 他説走貨,你就入2800 坐貨。一年之內連本帶利追回失地。」

有人仲踢爆沈大師個facebook group原來有散戶會倒轉問,例如想買就扮有貨,問佢好唔好沽,反之亦然。

不過又咁,大家都等緊呢位散戶解畫,到底點解跟大師買會變成窮人;睇返近日大師言論,轉晒口風話上落市格局,話估計聯儲局一連兩日議息,市況上落空間應該不大,似乎同呢位散戶口中所講,有少少唔同。

有師兄則建議不如叫大師報警查清楚如屬實就要親身對苦主道歉啦!

來源:香討

19+精選推介︰

【熱話】乘客機上自瀆 男Crew要抹?

娶美女主播做老婆 人夫下場係

月餅廣告風波不斷 「廣告狂人」都要道歉

出糧如派成績表 老細大聲讀你人工

任食放題要回本 秘訣係做食肉獸

土地問題殺埋身? 粉嶺高球場推廿蚊優惠

李嘉誠國內套現逾670億 網民話有錢都想走

任食放題要回本 秘訣係做食肉獸

AI革命】睇穿求職者幾時想跳槽!

===============

財經精選資訊網站「中環街市」  臉書粉絲頁