雅虎香港財經 
新世界不如收留主教山
主教山驚現古羅馬式蓄水池，唔少市民都想當局啟動保育行動，消息傳出政府已暫時停工。在此關鍵時刻講到保育，今次可能又要勞動新世界出手收留主教山。
本港核心價值係「八達通」，即係做每一件事既要講價值又要講增值，當中的「值」主要係指商業價值。原封不動純粹保留一個「廢墟」，水務署高層都可能頭赤份Report好難寫。
參考過去經驗，有企業願意出聲，拋出方案既可以保育又可以釋放商業價值，件事就易辦得多。這方面最有經驗首推新世界，連皇后戲院如此難搞的項目最後都搞得掂，加上擅長將旗下商場、樓盤作文青藝術風格包裝。新世界幫手講一句這個古蹟有得搞，配合民間保育聲音，水務署就可以大條道理回應民情暫緩工程再由古蹟辦評估保育價值。
不妨名為「K11 Bath」
一旦政府就保留主教山蓄水池開綠燈兼交由新世界策劃保育項目，以蓄水池的設計及主題，不妨就以羅馬浴場作包裝。古羅馬式設計長年係本地豪宅最喜歡使用的布置風格，主教山項目以古羅馬浴場作主題，地產商主理既駕輕就熟，亦正好呈現香港這個城市的「真正品味」。
以羅馬浴場為主題，古蹟、商場加休閒設施三合一展館就不妨名為「K11 Bath」，遙距呼應英國著名景點Bath，同時展示香港版「Bath」將較英倫版更有聲有色。既以浴場為名，三合一展館當然要有浴足、高級SPA兩大設施，讓高端及低端消費者各取所需。
至於購物及飲食，少不免要力邀在邊度開都有人氣的Donki及Sukiya加盟。開幕時更可邀請《羅馬浴場》男主角阿部寬主持揭幕禮以壯大聲勢。
鞏固深水埗文化區
正所謂一不離二，收留主教山就不如順便收留前北九龍裁判法院，法院自SCAD香港分校停辦後又變成閒置古蹟，就不如變身成為「K11 Court」，賣點係將審訊大堂變身為拍賣場，不同時段設有不同拍賣主題，令貴客及平民客都有份參與競投，拍賣官就坐在昔日裁判官位置作主持，如此臨場感十足的拍賣肯定吸引唔少人流。「K11 Bath」加上「K11 Court」亦將進一步鞏固深水埗文化區地位，達到部份保育之餘，又有助提升日後區內舊樓重建項目身價，這筆保育成本值得畀吧。
相關文章：
===============
精選資訊網站「中環街市」 臉書粉絲頁
