曾預測150蚊不是夢 湯文亮已沽匯豐

.

今日被匯豐新聞洗版，但唔係講隻嘢「跌幾多格」、「青姐喊未」，而係聲稱經常去茶餐廳聽故仔嘅細價樓爆煲專家湯文亮，被掘出2018年的一篇舊文，該文主要提到湯文亮當年預測匯豐會升上150蚊不是夢，還成功指點了朋友棄樓換股，All-in匯豐，該朋友投入了差不多1200萬元資金，據湯文亮說，朋友當時還發短訊致謝他呢。

然而匯豐表現強差人意，至今撤回派息，股價重挫；有錢準備趁低入市箇然好，但如湯文亮朋友般高位入市，還以為股息可以當交租，仲有貨的話，今日真係幾大考驗。

有散戶話：「當年信佢就慘了」

結果今次紅的不是青姐，而是湯文亮。

湯文亮回應說，「去年中，我收到消息，話政府會取消BSD，如果是真的，我手上的丁權就沒有效，於是賣走了100萬股匯豐，以個人名義買入一個七千萬元單位」

.

原來湯股已沽，沽剩「些少匯豐」，只是名人沽貨，未必會再告訴你；有人佩服湯的投資態度，稱他為「高手中的高手」，有人就對他的那位朋友表示擔心，因為「畢生積蓄買滙豐，最後乾塘一場空」，隨時食唔安，瞓唔著。

有錢多買藍籌如堪輿家麥玲玲，做長情股東問題不大，但如果All-in就真係受傷。

暫時聽，對匯豐情已逝嘅青姐話已經「睇唔到有咩好」，肯長相廂守嘅麥玲玲，都話要整返好對獅子先，仲話相信要整返好，先有希望派息云云。

.

學老散話，匯豐突然變利豐，難怪大家都唔肯再包容。

===============

精選資訊網站「中環街市」 臉書粉絲頁