香港股市 將在 3 小時 12 分鐘 開市

最長有薪產假排名

做打工仔難,做在職媽媽更難。本港嘅在職媽媽,雖則有10個星期法定有薪產假,但較國際組織建議嘅14個星期少,亦比亞洲鄰近地區如日本、韓國及新加坡少。

事實上,為人母者,既要全天候照顧初生寶寶,又要不忘調理身心狀態,真係一日有48小時都未必夠用,區區10週時間,轉眼就過。有外國研究指,有薪產假好處多,可讓在職媽媽有更好嘅工作表現,又能增加家庭收入,帶動經濟增長。

早前政府擬稍延長產假日數,但點都唔及芬蘭及匈牙利,有薪產假可超過150個星期,即約3年時間;加拿大約為1年,澳洲也有18個星期,一眾港媽只能羡慕了。

另一方面,產假後重返職場,係另一個考驗。一般情況下,在職媽媽平均約需13個月時間,才可完全回復以往工作速度。早前Easy Offices一項調查,訪問咗1,000位在職媽媽,接近一半受訪者稱,懷孕生小孩對其事業造成負面影響,應該幾大壓力吓。

調查指,逾25%受訪者稱感覺被同事遺忘;另每10位當中,就有3位曾遭同事否定,原因係佢哋要請假照顧小朋友。畢竟同事諒解你情況係人情,公私仍然要分明。不過,如果辦公室有較多「媽媽級」員工,就可以圍埋大講湊仔經,都算係拉近咗同事關係啊。

來源:Washington Post

===================

19網輕鬆爆料熱線,歡迎舉報老細同事19惡行,立即click入去講畀我哋知啦