香港股市 將在 5 小時 46 分鐘 開市

有些人,根本連信用卡都唔想申請(石先生)

連續幾個星期同大家講八達通、支付寶及微信支付,喺下星期 Samsung Pay 正式公佈與八達通嘅合作之前,今日同大家講下另一間都拎咗牌照嘅電子支付公司 – Tap&Go

作為 HKT 集團一員嘅 Tap & Go,技術上要有嘅基本上都有,例如手機過數俾朋友、QR Code 俾錢或者月結單找數,自家集團嘅 CSL1010Netvigator NOW TV 已經通哂。功能雖然齊,但石先生發現一堆成日用 Tap & Go 嘅朋友都唔係用以上功能,而係申請埋 Tap & Go MasterCard 合作個張預付卡,用個張預付卡多過用手機。

點解會咁呢?問下原來佢哋話平時上網買嘢多,但有啲外國網站要用信用卡畀錢,佢哋一係就申請唔到信用卡,一係就唔想交低信用卡資料,所以見 Tap & Go 出咗呢張預付卡就即刻去申請,貪佢使用方便。

每次上網要畀錢前,就喺手機將錢由銀行轉入 Tap & Go,然後再用張 MasterCard 俾錢,用幾多就轉幾多,一來找到數,二來就算間外國公司有心呃錢都因為卡入面本身無錢唔怕出事。更有位朋友話因為 Tap & Go 可以一個戶口幾張卡,索性申請多張卡交俾阿媽,入數落去當家用,真係聽到都覺得神奇。

T&G 憑其匯款功能獲得一班外傭姐姐嘅賞識殺出一條血路嘅同時,名有相似嘅 Tap & Go 似乎憑一張預付卡搵到自己嘅藍海,跟住落來大家仲會有咩玩法,真係好令人期待。

作者:石先生(科技博客Stone IP)

19+精選推介︰

Hi Auntie 同學有個靚媽咪

呢啲畫用Excel畫?77歲老友記勁好心機

好毒!低頭族冬天專用手套

做埋同事嗰份 佢領功仲要當老奉

Appraisal 系列】上司覆人事部:不予置評

日本天皇退位 或變10天假期

叫停細股意義何在

中國土豪房地產投資 下一站是

又話加100%煙稅 真係合邏輯?

===============

財經精選資訊網站「中環街市」  臉書粉絲頁