本港調查:僅三成打工仔稱有信心舒適退休
香港地百物騰貴,樣樣都成日加價,唯獨人工例外。對打工仔來說,咪話提早退休,今日啲Job幾時先做得完,已經係個未知之數。
喺香港,打工仔女普遍在60歲至65歲左右退休。據人力資源管理顧問公司韋萊韜悅(Willis Towers Watson)最近一項調查,訪問了985位本港打工仔女。當中,大部分人表示唔希望延遲退休,但有17%人預期自己70多歲時仍在工作,延遲退休。
調查亦發現,預期自己會延遲退休嘅人,唔太投入工作之餘,也傾向有很大壓力,健康也比較差。
事實上,有58%受訪打工仔女表示,在最近2、3年間,有感退休保障變成較重要嘅事,而僅約三分一人稱有信心可以過舒適嘅退休生活。
調查指,大部分香港打工仔女在40多歲之前,無優先考慮將自己嘅錢用在退休儲蓄上。數據顯示,有44%受訪打工仔女表示,願意犧牲部分人工,換取僱主提供更多退休福利;另有45%嘅人亦稱願意作出類似協調,以獲得更多更豐富嘅福利。
不過,本港打工仔女似乎較少關心醫療福利,只有30%願意每月俾多啲錢,投放在更多醫療計劃上。
各位打工仔女嘅退休計劃又係點呢?
===================
19網輕鬆爆料熱線,歡迎舉報老細同事19惡行,立即click入去講畀我哋知啦