林鄭難控樓市?
有報道指林鄭「在位」兩年,樓市升一成九,以結果論,對樓市無所作為。近月遊行社區化兼周末化,加上有發展商大劈價清貨尾,令樓市出現會被推冧危機,林鄭又能否抵擋?
林鄭本身在港無物業,樓市冧其實無乜心理包袱,然而內地由權貴到大企業都在港揸重物業,政治風險不低;加上發展商撻訂事件後,政府推地有一大風險係乏人問津,政府今年第二季只推兩幅住宅地,似乎就係為平衡地皮滯銷風險。由此觀之,林鄭取態理應以守住樓價為主,縮減土地及公營房屋供應有極大誘因。
不過筆者一跟朋友提起,朋友就對林鄭相當唔睇好,認為林鄭太弱勢,未必阻得住樓市的壓價動力,尤其中短期內你很難會再見到林鄭出來公佈新政。
第一波的樓市壓價推手係「移民急讓」,近來移民講座場場爆滿,反映新一波移民潮蓄勢待發,賣樓是移民指定動作之一,中產賣樓走人,政府減少供應亦難以抵銷二手樓市的壓力。
另一政府難以憾動的壓價推手係內房發展商,從近日屯門龍床盤劈價動作,就顯示缺水內房劈價可以有幾決絕有幾恨心,近日有不少分析指內房下半年最大挑戰係散掉各省市的存貨套現周轉,其中包括大批在香港待售的項目,如果內房「任性」劈價清貨,林鄭即使想穩住樓市,亦只能充當旁觀角色了。
===============
精選資訊網站「中環街市」 臉書粉絲頁