香港股市 將在 1 小時 58 分鐘 開市

樓市假盤氾濫 新手極易中伏 遇上釣魚盤如何拆局 | 置業入門 | 香港樓市2018

1% Anthony

【釣魚盤】近日地產版新聞、評論,都在討論假盤源、釣魚盤!

情況何止嚴重?簡直是常識!如果你睇樓睇得多,相信對代理行門外貼出來的所謂筍盤,根本就沒有期望,不過很多新手仍然中伏。以下這種情況,筆者經歷過無數次!相信很多朋友都試過!

撰文:1%Anthony |圖片:網上圖片

延伸閱讀:

10萬元創狗時裝品牌 80後時裝設計師 月賺40,000 | 創業個案 | Startup

80後搞鑽戒生意 售價平40% 5年開5分店 月賺50萬元 | 創業個案 | Startup

朋友經過代理行門外,看見有個放盤,激筍!雙眼發光!

朋友: 唔該…我想睇美麗大廈400萬嗰個單位。

代理: 好呀,入嚟坐吓,我幫你Check吓。

朋友不疑有詐,走進代理行,飲杯茶,等筍盤。

代理打開電腦,左Click右Click,似乎找到了聯絡。

代理: 呢個盤係行家嘅,我即刻幫你打去問吓。

喂…我個客想睇美麗大廈450萬嗰個盤呀!

吓…賣咗嗱,咁冇辦法啦,我同個客講番。

真係唔好彩啦,呢個盤早兩日啱啱賣咗!

朋友: 真係可惜啦!

代理: 唔使失望,呢個屋苑…有個單位仲筍嘅!

頭先個間好殘架,呢間靚好多,488萬咋。

朋友: 貴好多喎!

代理: 8成按揭,首期爭少少啫,睇啱幫你傾啦!

朋友: 好啦,咁睇咗先啦!

所謂釣魚盤,顧名思議,是吸引你上釣而已!

當你問到這個放盤,得到的結果當然是:「唔好意思呀,呢個盤啱啱賣咗!」然後當然就是:「不如我介紹另一個筍盤俾你丫!」這個所謂筍盤當然貴得多,又或說:「其實而家二手都好貴,不如我帶你睇最近推出個新盤丫,仲抵買呀!」很多買家就這樣被Sell到!

 

中伏了!…幾多是真?幾多是假?

根據兩家龍頭代理行提供的資料顯示,市場上16萬個放盤,大約只有1萬多個是真的!大約只有6%!…很氣憤是嗎?想政府加強監管打擊假盤源是嗎?確實有一定難度!甚麼是真?甚麼是假?

當然,有可能這個盤根本不存在,作出來的,絕對是假!

然而,很多所謂釣魚盤,未必是假,只是過期而已!

門外張貼的廣告,是上個月業主來放盤的時候貼上的,甚至是上年的,業主一直沒有告訴他們已經賣了,公司人手又唔夠,不能每天都打電話給所有業主Update,所以沒有更換廣告,奈何?事實上有時經過代理行,見到門外的廣告,紙張都已經發黃,好明顯已經貼出來一段很長的時間,只是未Update,又怎能說是假呢?

 

筆者又遇過這種情況,業主放盤400萬…

代理收到放盤之後,問業主:「客人好有誠意,隨時可以落票,可唔可以傾少少?」業主回覆:「如果有票,傾少少冇問題嘅。」就等業主這句話!於是代理就在門外貼上這個盤,不是寫「400萬」,而是寫「可試390萬」,當然「可試」兩個字細到放大鏡都睇唔到,算是假盤嗎?若最終業主心目中根本就沒想過要減到390萬,底價可能共是396萬,傾價不成,代理回覆買家說,「業主反價」或者「業主企得好硬」要396萬,那又算是假盤嗎?

樓市 假盤 釣魚盤 置業入門 香港樓市2018

事實上,在政府辣招扭曲下,近年成交萎縮!

地產代理生意競爭激烈,尤其一些比較多地產代理行的地區,如果間間代理行都貼398萬,你會走進這間代理行嗎?若不多找幾個筍盤貼在當眼位置,又怎能吸引你停下腳步?除了代理行門外張貼的廣告,網上放盤亦有類似情況,小心!

 

最重要的是…睇樓的時候,不要輕易動搖!

門外見到的廣告,要有心理準備很多都是過期的,預咗冇!又或者預咗貴5~10%,做決定之前,要多睇樓,要知道自己想買甚麼,要知道自己心目中的買入價是多少,就算被假盤釣入代理行,也要堅持自己的想法,不要輕易被代理游說,買貴、買錯、買了自己不想要的。只要你的心理質素夠高,自然就能駕馭買賣,不致中伏!

地產代理生意競爭激烈,將筍盤貼在當眼位置,是地產代理用來吸引有意買樓者停下腳步手段之一。