沈大C:我睇啲嘢早咗
日前聽沈大C講股,終於講中一句:「我睇啲嘢早咗。」
言猶在耳,今日已經有人話股王騰訊貴,有基金經理仲話已經減持騰訊,跌出十大持倉云云。
根據記錄,不得不佩服沈大C一直唔睇好騰訊,原來早在上月中佢已經話股王上返470蚊係「好難」,認為首季業績無驚喜。
不過講開騰訊,前排除咗一篇《騰訊沒有夢想》搞到人人覺得騰訊已過高峰、與今日頭條訴訟之爭外,仲有美國國會議員要求調查中資企業觸發資金拋售潮,近月可謂多事之秋。
此外,沈大C今年年初已經幫隻企鵝仔求咗支下下籤,意味全年無運行。
之不過,睇最新情況,今日資金流已經回流騰訊,但短期股價係唔係牛皮,騰訊係咪有力大上470/450?有見其他傳媒形容「大C」為「燈神變股神」,加上風水原因,都係寧可信其有,不可信其無隱陣。
===============
財經精選資訊網站「中環街市」 臉書粉絲頁