【法官大人】Mary姐控訴酒樓職員 唔肯畀泊車飛
話說最近有位網絡「紅人」Mary姐,因為一次酒樓食飯不快經歷上網控訴,而被指極品西客。
到底有幾「西」呢?大家一齊評評理。
話說呢位Mary姐日前去炮台山福X食飯,一家七口埋單1489蚊,因為商場要夠1500蚊先可以免費泊車,於是Mary姐勁豪擲出3張大牛叫「唔使找」,諗住拎埋個泊車優惠。
點知女職員執正來做,話因為印咗單,除非叫多樣嘢食。
最後酒樓當然滿足Mary姐要求,但Mary姐對服務極度不滿:
「正常來講人哋唔問...你都會主動問客人有冇泊車,點樣點樣你都係待客之道嚟嘅啫……而且酒樓又有呢啲嘅基本服務,居然呢個女人會咁樣做法,你係咪想人哋以後唔幫襯你啊……同唱衰你間酒樓集團。到最後呢個八婆一句多謝都冇講」
此post一出立即紅爆網絡,好多人都唔明點解樓主幾十蚊都要「R」,仲建議不如以後唔好出街食。
小編覺得個關鍵在於好多打工仔,幫你係人情,唔幫係道理,Mary姐會唔會檢討下好啲?
來源:中伏飲食報料區
===================
19網輕鬆爆料熱線,歡迎舉報老細同事19惡行,立即click入去講畀我哋知啦