香港股市 已收市

派電子利是 朋友難避年(石先生)

年三十,今晚當然係食番餐團年飯,準備明天大年初一可以拜年逗利是。

經過一輪嘅預熱,香港嘅流動支付終於進入真正嘅搶用戶時代。這邊 WeChat Pay 玩食麥記減十蚊引你加信用卡,那邊的 Tap&Go 借年廿八配合神沙機增值 HK$200 HK$20,務求用錢吸引用戶。

雖然用錢吸引用戶呢招似乎萬試萬靈,但唔想洗錢嘅可以點呢?八達通、PayMe 就選擇模仿番 WeChat 當年係大陸好成功個招「派利是」,齊齊係 App 入面新增「利是」功能。相比起 PayMe 毫無誠意咁只係喺訊息位改左個背景圖,八達通就有誠意得多,額外加入一個「e利是」功能,可以一個一個人咁派/逗利是外,仲可以預設唔同金額嘅利是,同時發俾一堆朋友等佢地去搶,玩法同 WeChat 利是大同小異。

中國地大人多,派封利是俾親友都唔係咁容易,加上其他獨有國情,電子利是風行不無道理,但香港地小人口密度高,放假未回血又返工,有心派利是嘅好易派到,電子利是或者只係一個宣傳工具,未必可以大行其道。

根據實試,八達通嘅逗利是功能都算好用,好在可以唔理三七廿一向所有朋友發送「逗利是」要求,漁翁撒網博一博。如果你身邊有啲朋友好鐘意避年,不妨整個「逗利是」request 俾佢,等佢想避都無得避。

作者:石先生(科技博客Stone IP

19+精選推介

【情人節餘波】單身上司復仇記

派電子利是朋友難避年

最愛互相報復情侶「反常」放閃

安撫醉婦心地好台175cm女警被封偶像

26%打工仔相信老細能處理好職場是非

【新世代】Chinglish無處不在

【扮工室】點解中女會扮收花?

Bill Gates的年書揭:他為何放棄財富

青年坐關愛座老友記拔刀狂插

最難聽的一句話:你窮是因為不努力

理大學生會被指擅用$2000萬投資買基金冇招標

Van牌總站有代號「十一咪半」即係去邊度?

40歲以上打工仔宜一星期返3日工

===============

財經精選資訊網站「中環街市」  臉書粉絲頁