清潔工唔易做 4大原因
尖沙咀美麗華酒店飛窗殺人意外,警方拘捕涉案女清潔工令人感到惋惜。惋惜係法律上,清潔工的確係可能「上身」;惋惜嘅係,清潔工以後要做埋「抹窗工程師」,驗完窗先抹,工作要求一定大增。
事發後不少網民都熱烈討論,「行行出狀元」的香港社會,還有什麼方法,幫助他們脫困呢?大家都知,清潔工一向唔易做,有以下原因:
首先,你要習慣面對外間壓力,其他人知道你做清潔工,通常都會覺得你無出色﹗係社會上嘅失敗者,「有錢有學歷,點會去做清潔?」任你多努力,都不會有人讚賞。
零福利。返工用膳情況惡劣,有時得半個小時食飯,多數沒有獨立休息室,最後要在垃圾站食飯。(某些管理公司待遇好些,會提供休息室,但如果要有空間存放私人物品,同樣困難)
付出與回報難成正比(尤其是政府外判清潔工)。薪金並不理想,通常領最低工資,近年行內有「爭人」情況,薪酬叫好一點,但超過50蚊的也不多。更重要的是,多年來清潔工的時薪加幅,大抵追不上通脹,老細通常睇餸食飯,貴就「減工」啦。
工傷沒人可憐,好難再就業;賠就賠少少,但一出事,就賠上了自己一生。
今次案件人命關天,雖然係咁,但見到一個普通清潔工,要同時面對法律制裁,和以後能否再就業的難題,想想也覺得是個悲劇。
所謂回報只得一萬幾千,做一粒鐘都未必夠買碟飯。
===================
19網輕鬆爆料熱線,歡迎舉報老細同事19惡行,立即click入去講畀我哋知啦