香港股市 將在 5 分鐘 開市

港交所⋯你無做錯到﹗

話說港交所個交易大堂重開,門口一幅字牆被揭有「賤」、「賊」、「賄」、「賂」等字,唔少人都覺得新年講呢啲唔多老泥。

不過大吉利是都要講一句,港交所今次真係好創新,竟然打破中國人貪好意頭傳統,將香港金融發展嘅歷史搬上去,難怪有散戶睇得親切,覺得殯喪大堂嘅設計,正正反映香港未來,又有賄賂,又有賊:

有散戶詠詩一首:

「賄賂貪贓賣貧賊,敗賭賒貸賀贏財。」

港交所解釋,牆上嘅字是由策展商中國金融博物館設計,設計係因為「貝」字部,而貝殼是中國最早期貨幣。

的確係,大大一個貪字贈港人,同你講搞咁多嘢,無非都係為錢,相當寫實。無貪不成財,但水能載舟,亦能覆舟,金錢向來禍福難料,只能夠講,港交所只係坦白﹗

如果一幅反映香港人金融歷史的牆壁,要抹去一些令人難堪嘅說話,其實同人講「我賺到盡,但唔貪心」、「股票只有贏,不會敗」又有什麼分別?所以,今次要撐港交所。

希望港交所唔會收起香港不光彩的歷史吧,最好原封不動,讓全世界都知道,那些貪婪的莊家。

唯一美中不足嘅係,就係選錯字,牆上連廁所個「廁」字都有,但去廁所又跟「貝」字部有乜關係呢?香港人去廁所唔使畀錢。

[caption id="attachment_29063" align="aligncenter" width="804"] 廁的字義,似乎跟錢扯不上關係。[/caption]  

===============

財經精選資訊網站「中環街市」  臉書粉絲頁