港人五大寒酸行為 你同意嗎?
最近上網睇到有打工仔開post數臭港人寒酸行為,結果收到超過2500負評﹗點解?原來係因為文中例舉行為唔夠寒酸,大家一齊睇睇。
1. 公司叉電 包括電話尿袋iPad等等
2. 等下午茶時段食午餐
3. 紙巾撕開一半用
4. 凍飲嗌少冰 食飯要多飯多汁
5. 帶飯返工
歸納網民意見,似乎大部份都覺得,除咗食飯要多飯多汁煩膠之外,其他都好正常,尤其帶飯返工,一啲都唔寒酸喎﹗
反而小編聽過最寒酸嘅行為有兩個,第一個就係一大班同事lunch time去飲茶,夾錢埋單時,竟然有人話點心逐件計,堅持自己無食到件蝦餃同叉燒包,應該夾少10幾蚊﹗而另一個案,唔係紙巾撕開一半用,而係分12格乘以3層,總共分好36次用,小編聽完,不得不寫知服字。
來源:連登
===================
19網輕鬆爆料熱線,歡迎舉報老細同事19惡行,立即click入去講畀我哋知啦