湯文亮:施政報告有70分
每年都會問,《施政報告》幾多分。暫時得香港民意研究計劃公佈咗,今年只得29.7分,比上年48.5分大跌18.8;不滿意率達到65%,滿意度淨值只有負48個百分點。
到目前為止,正面評價,相信就只有湯文亮了,佢話今次《施政報告》,有足足70分,仲話如果係上年推出呢份報告,應該會有80分。
湯文亮似乎對將按保的上限金額提高相當正面,佢覺得政府回應了市民訴求,話好多人成日話買唔到樓,係因為無首期,所以政府今次就提高按保,等大家上車。
佢只係覺得,出售公屋係好心做壞事,下次唔好再做云云。
照咁講,應該上車?
但湯文亮無詳細解釋到,「上車」後買1000萬樓點供大半世,同埋應唔應該入市呢個問題。
其實,根據湯文亮較早言論,他曾認為樓市已進入「新冰河時期」,應該不買不賣,仲告誡業主:「現在賣樓如自取其辱,就算有買家,價錢亦會很傷心」。他以示威理由,勁唔睇好樓市,但依此思路,政府提高按保,理應都唔好「上車」?
唔知評《施政報告》70分嘅佢,對後市會唔會又改變睇法,同班地產經紀一樣,長線睇升呢?
===============
精選資訊網站「中環街市」 臉書粉絲頁