無啦啦「被借錢」? 登記免費個人信貸提示服務

以為登記資料就可以拎到免費快測劑，結果竟然無啦啦「被借錢」？根據環聯調查，2021 年全球數碼詐騙比率較2020 年飆升 72.6%，而網上交友程式等虛擬社區、旅遊和金融服務係香港數碼詐騙比率按年升幅最高的三大行業！因此，大家除要小心網上交友，亦要特別留意網絡釣魚網站，萬一唔小心泄露個人身份資料，分分鐘無啦啦「被借錢」！作為精明香港人的你，不妨提前登記環聯的免費服務「個人信貸提示」，如果有人偷用你的個人資料去銀行或財務機構開戶借錢，可以即刻收到通知！

【個案分享】

同時下好多人一樣，Elaine 鍾意網購，每日都會打開啲 App 望下。依家大數據越嚟越勁，個人化廣告簡直比另一半仲清楚你想要咩，好似早排 Elaine 喺 App 上望多兩眼唔同的快測劑，呢日掃掃下手提就有廣告彈出來，話填問卷送免費快測劑，於是 Elaine 即刻填晒個人資料 send 出去。不過她等極都等唔到份免費快測劑，反而等到追數公司的信。Elaine 一頭霧水打去問，先知有人用她的個人資料成功透過網上平台開戶兼申請咗一筆貸款，然後潛咗水！

要保護個人資料就係人都識講，但隨住科技越嚟越先進，好多時資料外泄都係防不勝防，好似 Elaine 咁唔小心遇到網絡陷阱，send 個人資料出去的 case 更加只係冰山一角。另外仲有幾類較常見的網絡陷阱往往睇中群眾貪小便宜的心理，會透過以下形式出現：

1. 好似 Elaine 的 case 咁用免費／試用的產品、服務作招徠；

2. 一打開網頁就恭喜你中獎，要提供個人資料去領獎的網頁；

3. 不明來歷的網絡抽獎遊戲；

4. 通知你領獎／填資料去追蹤包裹的 email；

如果不幸被盜用個人身分，騙徒可能會用你的名義申請信用卡、汽車貸款、開貸款戶口等，令你蒙受財務上甚至其他無可估量的損失。多數受害人對被盜用個人身分時都毫不知情，直至好似 Elaine 咁俾人追數時先發覺。

「信貸提示服務」助你及時止損

要防止呢類事情發生，除咗要細心分辨網絡資訊的真假外，大家不妨做多兩手準備：第一、小心保管自己個人資料，尤其係信用卡，要開啟交易通知，有不明來歷交易時可及時止損；第二、申請環聯的「信貸提示服務」，及時知道自己個人資料有無被盜用於任何信貸活動上。

環聯會喺你的信貸報告資料出現重要變動時，向你發出信貸提示，包括：你的信貸報告出現新的查詢紀錄、你名下有新開設的信貸帳戶、地址變更或者電話號碼變更。

例如當有騙徒用你的個人資料申請貸款時，銀行或財務公司喺被騙徒蒙騙嘅情況下取得「你」的授權，向環聯 check 你的信貸紀錄進行貸款評估，呢個時候環聯的基本信貸提示用戶就會收到環聯透過電郵 send 的提示，而信貸報告訂閱用戶就會同時收到電郵同埋 SMS 提示，咁就可以防止騙徒進一步使用你的身分，盡量減輕損失。

值得一提嘅係，環聯的基本信貸提示服務係免費提供畀所有年滿18歲同埋持有香港居民身分證的人士使用，任何非現有信貸報告訂閱用戶都可以申請。但要留意，如果連續 90 日內無登入環聯網上戶口，呢個服務會被自動終止。所以，即使申請咗「信貸提示服務」，最好每月登入環聯網上戶口 check 下信貸提示。

立刻免費申請你的基本信貸提示服務！

已登記用戶只需於網頁版或手機APP登入便可以查閱最近的信貸提示

【延伸閱讀：社交媒體洩私隱好危險！】

（資料由客戶提供）