無樓即地獄｜女主持二千萬買白石角豪宅 盤點擺明靠父幹藝人？

不少港人慳食、慳買、慳住、慳去旅行，都為了儲夠錢買樓上車。去年有調查指，35歲以下自置居所比率只7.6%，港人首置年齡推遲到平均44歲。年青上車難一個字講完。除非有天降父幹，助你去世界另一端。否則就算是TVB藝人亦有上車煩惱，盤點三個明示、暗示靠父幹上車無線藝人。

下載Yahoo財經APP

美股、外匯、加密貨幣免費即時報價，自選投資組合獲取相關新聞提示

1.吳紫韻

TVB娛樂新聞台主持吳紫韻於網上自爆榮升做業主，佢個名未必無個人都認識，但佢擁有物業就頗出名。近日以首置身份斥資近1,963萬元，豪買大埔白石角新盤朗濤一個1,208方呎三房單位，呎價約16,250元。單計首置稅都要近74萬元。

財來自那方? 她向傳媒透露，有屋企人幫手置業，自己仍未有本事俾首期，所以要好多謝屋企人。如果1963萬元樓價計，做五成按揭，年期30年，按息2.5%，月供都38,781元，睇怕佢要拍多D劇同接多D網上工作了。

2.翟威廉

TVB藝人翟威廉除了幫公司拍劇外，同時搞網上音樂及清酒生意，而生意上更是全家參與。他曾在節目中坦言於2017年與家人合力，以350萬購入旺角一個297呎單位。佢又承認，而家年青人又好，係要好靠屋企人嘅資源，純粹靠自己打工去買到一個單位，其實幾難。

3.鄺潔楹

TVB 90後女藝人鄺潔楹因參與《愛．回家》一劇而廣受觀眾認識，她向外坦言，29歲的她大學畢業後已同哥哥一起以900萬購入跑馬地舊樓，該單位實用面積500平方呎，市值現時已過千萬元。而佢希望憑己力在31歲前買到自己dream home，換言之，暗示之前置業有家人幫助。

她從小到大住在大埔淺月灣的2000平方呎豪宅，而屋企人一直有留意樓市，認為數年前是買樓好時機，由於鄺潔楹沒有儲蓄習慣，為了學會理財，家人要佢及哥哥學置業。