【熱話】一個鐘根本唔夠食lunch
最近有實習打工仔開post,埋怨返緊太古坊,每到放lunch時間就好似「動物大遷徙」咁,根本唔夠時間食飯,因為等lift落樓連買飯,人逼人,最快都要30分鐘,成個lunch「就咁無啦」。
天氣炎熱,30幾度落樓買飯仲要等幾個字,小編給予無限同情,其實香港好多區都係咁,除非你叫外賣,否則一個鐘食飯,點都唔多夠做。
有打工仔自言平日會11:45提早離開,自製15分鐘排隊時間,有人則教路食大早餐,直接skip lunch,有人就話其實只要識路,總會搵到一間唔使等嘅餐廳,而搵食亦都係實習嘅一部份。
又咁講,太古坊真係無路可退,北角又遠,去太古又費時失事。
其實,近年外國多個調查均顯示,揭發打工仔「淨飯鐘」其實只有20到30分鐘,數字逐年下降,食飯時間愈來愈少。
相信長遠只有班老細願意引進「彈性放lunch」或者「長lunch政策」,打工仔情況,先有機會改善吧﹗
來源:香討 ===================
19網輕鬆爆料熱線,歡迎舉報老細同事19惡行,立即click入去講畀我哋知啦