【熱話】兩兄妹爭父母免稅額
香港打工仔真係悲哀,喺公司已經要同同事明爭暗鬥,返到屋企以為可以放下武裝,點知又要為交稅而同屋企人嘈。
話說有打工仔網上大呻,話自己阿哥呢十年來都霸住晒供養父母免稅額個欄,填晒阿爸阿媽兩個名,因為當初阿哥搵得比較多,而自己當年初初做嘢,只係搵一萬幾蚊,交稅好少,所以就由得阿哥填。
但過咗十幾年,呢位打工仔都加咗人工,搵多咗好多,而且每個月都有俾家用屋企,俾得仲多過阿哥,於是想拎返父母求其一個免稅額,減輕吓啲稅,點知阿哥唔肯,仲發爛渣,話「點解你搵得咁少要俾你報?」
好慘,打工仔搵得少原來連減稅嘅權利都冇,搵得多乜唔係要交多啲稅咩?更慘嘅係,父母幫住晒阿哥,叫佢讓俾阿哥,等阿哥啲稅可以減多啲。
有唔少人獻計俾佢,教佢:
打去稅局篤阿哥
照填,一拍兩散
扣父母家用
叫阿哥補返差價俾自己
轉工跳槽,期望有一日搵得多過阿哥,剝佢同屋企人棚牙
算啦,都冇報咁多年
所以話交稅已經慘,為交稅又傷感情,更加蝕到入肉呀!然後再等睇庫房水浸,香港打工仔真悲哀。
===================
19網輕鬆爆料熱線,歡迎舉報老細同事19惡行,立即click入去講畀我哋知啦