香港股市 將在 1 小時 50 分鐘 開市

【熱話】原來做管理處主任月入有6萬!

最近東涌裕東苑一則通告所得,合共管理裕東苑五座大廈嘅管理公司,竟然大嗱嗱俾成25萬,請一位經理同三位主任,惹來屋苑業主非常不滿。 

聽班業主講,呢4個坐管理處嘅主任,主要做收銀工作,性質就好似文員一樣。計返一個人月薪平均63,人工可以話非常高。 

而剩低嘅22位管理員就要瓜分293千蚊,平均一人拎到13千幾蚊。呢個人工比例令好多業主都大惑不解,話唔睇盤數都唔知管理團隊咁高人工,仲未計經理人酬金、行政費同埋清潔費。 

呢間管理公司依家仲建議駛多二百萬,寫手機app、出電子告示牌、同加CCTV ,就可以大量減人手,慳返巡邏時間咁話,業主當然唔信啦!擔心到時只會養到一班好食懶飛嘅人,白逗住63人工,繼續過日辰。 

而小編真心想問一句:做物管經理係咪真係可以做到63人工?如果係,我都想轉行呀! 

===================

19網輕鬆爆料熱線,歡迎舉報老細同事19惡行,立即click入去講畀我哋知啦