【熱話】同事患上了社交媒體「分享症」

唔知你有無發現，隨著科技進步，平日辦公室入面嘅實況，隨時可以喺不同同事嘅facebook或者IG story度見到？例如，今朝返工食咗咩又post，電腦keyboard相又post，枱頭有咩植物又post，而且係每日曝光一次，上網進行光合作用。 話說最近睇到個分享post，有打工仔上網呻同事有好嚴重嘅「分享症」，每日記錄相同的風景，日日都係post「返到公司」、「好L多嘢做」同「我終於收工了」等等，該名打工仔覺得，身邊愈來愈多同事上載呢類「垃圾post」，問大家可以點做？ 小編估有好多post大家都睇唔少，就快連同事隻滑鼠係咩顏色都知。

「分享症」仲有一個特點，就係到佢生病時，探熱、睇醫生同食藥，可以分3個post出；仲有，你會發現全公司發生嘅事（Pantry新咖啡品評等），你都可以喺佢個facebook wall度率先見到。

有網民直言，最近已經unfollow咗呢類同事。 的而且確，千篇一律嘅生活故事，講得多都悶，有「分享症」嘅同事，其實應該搵同事真人面對面食餐飯傾下心事，作用隨時仲大過你上網分享發洩。 post得太多公司嘢好易出事，大家想搵人俾like嘅同時，都要識保障下自己先得。 來源：連登

===================

19網輕鬆爆料熱線，歡迎舉報老細同事19惡行，立即click入去講畀我哋知啦